各位手提機嘅玩友，你哋出機果時都會買啲屏幕貼啊、保護殼同埋掛飾抹布嘅配件，洗幾十蚊買嚟保護吓部主機咁，不過，對於主機配件呢樣野，國外有間珠寶店Simmons Jewelry就有一個唔同嘅想法。最近，佢哋為咗宣傳自己嘅珠寶，就用部PSP嚟過橋，專程打造一個PSP用嘅純金外殼，嘩，真係剩睇相都閃死人。呢個黃金外殼由約1磅黃金同埋總重8克拉嘅鑽石造成，並交由多名著名設計師製作，正作限量發行，售價約為35000美金。無錯，雖然呢款黃金外殼係限量品，但只要你肯俾錢，一樣可以買到，相信各位宜家已經睇到流哂口水啦，唔好諗啦，快啲去買啦，早買早享受嘛（笑）。