「愈玩愈健康」向來係Wii嘅賣點之一，尤其係Wii Fit推出之後，好多師奶少女當哂佢係專業減肥機器，一人一部買番屋企慢慢玩。最近，喺日本好火熱嘅人氣AV女優相田紗耶香亦都加入玩Wii嘅行列，買咗部Wii Fit強迫自己做吓運動。據相田自己解釋，玩Wii Fit是因為之前工作太過緊湊，搞到五月果時大病一場，為咗令到自己健康啲，於是就買部Wii Fit玩，而由7月1日開始，宜家已經見到少少成效啦。