一般黎講，好多人夜晚訓唔著都會數綿羊，一隻兩隻三隻咁迫自己去訓覺，不過有D人數到成百隻都未訓得著。又有人話訓前飲熱牛奶會訓得好D，不過對筆者呢種極之討厭牛奶嘅人黎講，飲牛奶絕對係無可能嘅事！！呢個辦法唔得，果個辦法又唔得，咁失眠果陣點算好？唔想眼光光等天光？試下呢五隻睡前啱玩嘅GAME，係美國某著名新聞服務商評選出嚟，五隻都係PSP同NDS嘅遊戲，咁就可以攤係梳化上面玩到訓著為止啦！仲有，呢五隻GAME都係同鍛練大腦有關，整到個腦攰到七彩，咁樣就會快D入夢鄉，話唔定呢個係當選原因呢～！

NDS《腦力鍛練2》提升腦力兼幫助睡眠，一舉兩得呀～！	PSP《我們的塊魂》，同小王子一齊訓覺！	NDS《家庭遊戲俱樂部》，鋤大D！紅心A！
PSP《音樂方塊》，係咪可以邊聽音樂邊訓覺？		NDS《任天狗》，連養狗都可以幫助睡眠架！？