首先,我以我係一個宅人而自豪
點解?因為我由動漫畫,小說,game當中認識(或者話係學)到好多野!
絕對唔認為"御宅族"係完全負面o既野(當然血腥暴力黃色唔包括為正面)

御宅族係咩?
係一班對動漫,聲優,鐵道,動漫物,cosplay,女僕,遊戲等任何一樣或以上o既文化有認識o既人,不過呢,E家已經引伸到足不出戶o既人身上,但要注意o既係,佢地仍然都係對以上文化有所認識o既人,所以呢,如果足不出戶但又對以上文化無認識o既人,唔可以叫做御宅族!!只可以叫做隱閉青年!!仲有,因為過份喜好動漫同遊戲o既人而做出過份o既行為(例如秋葉原殺人事件),呢D人叫變態,甚至可以叫做痴漢,果D只係個別例子,如果一概而論,對正常o既御宅族黎講係非常o既唔分平!!同埋,鐘意動漫物(可以"理解"為係玩具,但唔一定等如係玩具)就係幼稚,唔成熟o既表現,咁點解鐘意集郵又比人覺得係好習慣呢?御宅族o既負面形象,係黎自唔認識御宅族o既人錯誤o既理解所形成,所以如果要批評御宅族,可唔可以先理解御宅族o既含意之後先再講呢?

咁電車男係咩呢?
相信大家都聽過電車男呢個名詞,都知道呢個名係出自於電視劇同漫畫嫁啦~故事內容唔講咁多,故事入面o既主角佢係一個宅男(男性御宅族),所以對唔認識御宅族o既人黎講,呢個係佢地對御宅族o既第一個印像,你可以解釋為佢鐘意鐵道,所以佢都係御宅族,但我想講o既係,電車男可以係御宅族,但御宅族唔一定係電車男,兩者之間唔可以畫上等號!!(就正如蘋果係水果o既一種,但蘋果唔等如係水果o既道理一樣)最重要o既係,香港o既電車同日本o既電車係全完唔同o既野黎,唔好撈埋黎講!!即係話,香港唔會有電車男!!

毒男又係咩呢?
毒男係指欠缺異性緣的單身男性，源自日語「獨男」,以我o既理解係得咁多,因為我唔係毒男-v-

其他宅人點諗我唔知,不過對我黎講：
1)「御宅族」絕對唔係「選擇與現實世界甚至自己的人生劃清界線」o既代名詞!!
2)「何需介意別人如何看待自己?」介唔介意呢樣野每個人o既性格都唔同,而我係非常介意,點解自己比人誤解仲要忍?當然,我解釋過一次,你要唔聽唔理o既,我會由得你繼續亂諗,但因為我解釋過,我問心無愧!!
3)「為甚麼要滿足於或是自豪於別人放在自己身上的標籤?」邊個話係人地放係我身上嫁?唔係!!係我自認o既!!宅係一個專業,唔希望D唔認識唔了解o既人出黎胡說八道!!如果係真正認識,清楚了解o既人咁做我唔會反對,但事實上呢?
4)「御宅族」唔係「覺得二次元比三次元優勝」o既意思,更加唔係「看不起三次元的女性」,仲有,在唔在意係出於性格問題,唔關係咪宅人事!!
5)「自己如何去經營自己的人生與別人何干?」係,你講得岩,自己o既人生同人地無關,咁點解人地批評我地既人生又可以呢?
6)「為甚麼在被別人冠以「御宅族」,「電車男」,「毒男」,「宅男」這些名號時還要欣然接受?」將呢D名號隨意冠比人o既人,根本就唔清楚呢D名號o既含意,人講佢又講,係跟風o既表現!!而比人冠上呢D名又欣然接受o既人,一係就清楚當中含意,自己都認o既人,既然自己都認,仲算係比人冠上?一係就係果D人講佢就認o既人,呢D叫潮童!!冠呢D名比人,以為自己係咩?學者?哼...(苦笑
7)「在高興地接受之後還不止,還要為捍衛這些名號而作出甚看激烈的反抗和宣示行為,究竟這種行為的背後有甚麼意義可言?」我認我係捍衛緊,我之所以捍衛,係因為「宅」比人誤解.你冇講錯o既話點解我地要捍衛?明知我地捍衛但又無視o既人,你地o既行為意義又係邊?

香港有個壞風氣,就好似電車男呢個名流行之後,乜都話係電車男電車女,隨便將電車男電車女同宅男宅女畫上等號,仲有D名人(其實我覺得係香港怪人)對御宅族毫無認識就彈出黎說三道四,加深對御宅族o既誤會,目的係要將御宅族趕盡殺絕?定係想表達"御宅族唔應該存在係呢個世界上"?定還是只係想借呢D討論話題增加自己o既知名度?無論點都好,就個別事件一概而論o既人,會唔會覺得自己武斷左D呢?呢個世界冇絕對o既岩同絕對o既錯,所以唔好將一少部份o既人o既行為當成全部人都會做o既行為,「以偏蓋全」!!

以上係我o既見解,部份資料黎自維基,御宅族講座同uwants( http://www.uwants.com/viewthread ... &extra=page%3D3 ),歡迎討論,有疑問都可以提出,如果我有講錯可以指正,多謝!!